French striker Karim Benzema chuan first half-ah minute sarih chhungin hattrick a siam a. Real Madird in Real Valladolid an sawp zanah a langsar.
Santiago Bernabeu-ah league mawng lama awm Valladolid hi 6-0 in an tlawm a. Carlo Ancelotti pawlte hi pahnihnaah la awmin Barcelona nena an inkar erawh point 12 a la ni chhunzawm zel.
Los Blancos tan Brazilian forward Rodrygo chuan minute 22-naah Marco Asensio ball siamsak chu goal hmahruai atan a khung a. Minute 29-naah Benzema in Vinicius Junior ball cross tha a tauh lut ve leh nghal.
Minute 32-naah Vinicius-a ball siamsak tho khung lehnghal in minute 36-naah goal hma lawk atangin a bin lut leh bawk.
Second half-ah Real tan Asensio leh Lucas Vazquez ten goal dang an khung belh a. Benzema hattrick hi kum 1992 April hnua La Liga a Real Madrid player in hattrick a siam ran ber a ni.
Rodrygo a kheltha hle bawk a, Vinicius handball avanga goal khat pawm loh a neih bakah goal ban a pet per.
Real Madrid in Copa del Rey semi-final second leg a Barcelona an khelh tur thlirlawkin Benzema leh Vinicius te an la chhuak hma a, Eden Hazard dahlutin Vazquez-a goal khung tur a siamsak.