New York Knicks chuan kum 10 chhunga a tum hnih nan NBA Playoffs an khel dawn.
Thawhtanni zingah Washington Wizards chu Madison Square Garden-ah mikhualin 118-109 in an hneh a. Knicks hi tun season-ah vawi 46 an chakna niin game thum khelh hmabak la nei chungin an tling chiang tawh.
Knicks tan hian Jalen Brunson leh Quentin Grimes te chuan point 27 ve ve an score a, an starter dang pahnih Immanuel Quickley leh Obi Toppin te chuan point 22 leh 21 an score ve bawk.
An All-Star forward Julius Randle chu game hnih chhung chhawr thei lo mahse an chak ve ve a. A awm loh hlanin Mitchell Robinson chu defense-ah tangkai in point 8 a score bakah rebound 11 a la.