Palestinian singer lar tak Mohammed Assaf hla, ‘My Blood Is Palestinian’ chu Spotify leh Apple Music atanga paihchhuah niin, Israel huatna a keng tel, tih a ni.
Spotify-in thuchhuah a siamah Assaf hla paihchhuaktu an ni lova, paihchhuak tura thutlukna siamtu an ni lo bawk, an tih laiin, social media lamah chuan hla paihchhuah a nih chungchanga lungawi lohna leh thinrimna a tam a, inhmuhsitna dik taka ngai lah an tam.
Anti-Israel lam awn deuha ngai a, Palestinian content dah bo tumna leh nawreh tumnaah ngaih a ni hial bawk. Censorship chungchangah pawh Palestinian content te chu enthlak leh enzui bik nia puhna phei chu a rei tawh a, heng digital platform lian tak takah hian inthliarna, lamtanga insiamna emaw dik hlel taka kalpuina hmuh leh hriattur bakah ngaihthlak tur a tam hle niin an puh bawk.
Social media hmangtu tam tak chuan a hla thu te an vawrhchhuak chuai chuai a, Palestinian nationalism phochhuahna mai niin, Israel emaw tharum thawhna lam hawi hmuh tur pakhatmah a awm lo an ti ve thung.