Reserve Bank of India (RBI)-in Rs 2,000 note a tihtawp hmain bank-a pawisa dah luhna hun hawn tan a ni a. Mizoramah chuan dah lut leh thleng an la tam lo.
May 23 atanga September 30, 2023 thlengin Rs 2,000 note hi a thleng theih dawn a. Nimin a bul tannaah state dangah chuan bank pantu an pun phah a, Aizawl chhunga bank hrang hrangah erawh Rs 2,000 dah lut hi awm ve mah se an tam lo thung a ni.
The Zozam Times-in nimin khan bank thenkhat a tlawh kual a, bank hrang hrang hotute chuan an customer zingah Rs 2,000 note an account-a thun an awm tan tih an sawi a, hetihlai hian pawisa note danga thleng tak erawh an awm lo tih an sawi a ni.
Bank hrang hrangte hian an hnen Rs 2,000 note dah lutte chu uluk takin an chhinchhiah a, account-a dah lut tur leh note danga thleng tur tan, form fill up tur siam a ni bawk.
Bank hotute chuan hun bi tiam ral dawn tepa hnawhsaruma pawisa dah luh tumin harsatna a thlen theih avangin hun thawl a awm lai hian Rs. 2,000 note neite chu bank-a dah lut thuai turin mipui an ngen tih an sawi bawk a ni.