Nimin khan 11th Chakma Autonomous District Council (CADC) CEM atan Borapansury bial atanga thlan tlin, Rasik Mohan Chakma chu lak luh a ni.
CEM thar lakluh inkhawm, CADC Art & Culture Hall-a neih hi CADC-a Executive Secretary Pronit Bikash Chakma chuan kaihruaiin Mizoram larsap aiawhin Lawngtlai Additional DC Abraham Beirazihithie chuan a la lut a. CEM thar chuan thu a sawi bawk.
CADC Inthlanpui, 2023 neih zawh takah MDC bial 20 awm zingah Mizo National Front (MNF) party chuan seat 10 lain a hnua party- dang atanga lut nen MDC 15 an nei.
MNF Legislature Party dina sorkarna siamin Thawhlehni khan CADC-a MDC tharte lakluhna hun buatsaih a lo ni tawh a, nimin khan CEM lakluhna hun buatsaih a ni veleh ta a ni.
CEM thar hian nimin khan office a luah nghal a ni. Rasik Mohan Chakma hi MDC-a vawi 67 tling tawh, CEM tum nga ni tawh leh MLA lo ni tawh a ni.