Pachhunga University College-a Department of Psychology buatsaih ni hnih awh tur international conference chu nimin khan tan a ni.
Health Psychology & Allied Sciences tih thupui hmanga conference neih tan hi PUC Principal Prof. H. Lalthanzara’n a hawng a, conference convener Dr. Saichampuii Sailo chuan health psychology chungchang sawi fiahin, Dr. Lalthanzami’n smartphone hman nasatin kawng hrang hranga harsatna a thlen dan zirbingna a neih tawh chungchangte a sawi bawk a; anni bakah hian speaker mi paliin thupui thlan bik hrang hrang hmangin thu an sawi bawk a ni.
International conference-ah hian India ram bakah ram pawn atangin mi thiam leh zirmiten thu sawiin, an thil hmuhchhuahte an tar lang a, vawiinah online hmangin conference hi chhunzawm a ni ang.