Indian Army chief Gen Manoj Pande chuan Thawhtanni khan Bangladeshi sipai lal, General SM Shafiuddin Ahmed kawmin ram pahnihten ram venhimna leh venhimna kawng dawnga an thawh dun theihna tur hrang hrangte an sawi dun.
Gen Pande-a hi Thawhtanni chawhmaah thenawm ram tlawh turin a thleng a, ni hnih a cham dawn a, tun hi sipai lal ber a nih hnua Bangladesh a tlawh vawi hnihna a ni.
Army chief hian Armed forces division-a Principal Staff Officer Lt Gen Waker-Uz-Zaman a kawm bawk.
Indian Army chief hian nikum July-a sipai hotu ber nihna a chelh khan ram dang a tlawh hmasak berah Bangladesh hi a lo hmang tawh a ni.
Gen Pande hun hman dan hi Additional Directorate General of Public Information-in Twitter-ah a tar lang a ni.
Army chief hian Shikha Anirban-ah zahna pangpar dahin Liberation of Bangladesh-a sipai thite zahna a hlan bawk a. Senakunja-ah Guard of Honour pek niin army pahnihte inthian thatna entir nan thing a phun bawk.
Thawhlehniah Gen Pande hian Bangladesh Military Academy (BMA), Chattogram-ah officer cadet-ten 84th ‘Long Course’ an zawh chhuahna, Passing Out Parade (POP) a hmanpui bawk.
Parade-ah hian army chief hi ‘Bangladesh India Friendship Trophy’ hlan a ni a, hei hi Bangladesh sipaiten ram dang sipai thian an neihte an hlan thin a ni.
Indian Military Academy (IMA)-in ‘Bangladesh Trophy and Medal’ tia a siam ang zulzuia siam a ni bawk.