Aizawl : HIV leh a kaihhnawih natna in- kaichhawn theih chi hrang hrang te Jail leh khuahkhirh ngai enka- wlna hmun hrang hra- nga hmalakna tur Integrated STI, HIV, TB & Hepatitis (ISHTH) campaign kalpui tur a inbuatsaihna atan nimin khan Kolasibah mawhphurna hrang hrang inhrilhhriatna hun neih a ni.
Bawrhsap John LT Sanga’n kalkawmte lawmna thu sawiin, HIV hrik kai hmuhchhuah tamna district an nih avangin he hrik darh zel tur venna leh he hrik kaihhnawih natna dang dap chhuah leh enkawl tura ISH- TH campaign kalpui a ni tur chu lawmawm a tih thu a sawi.
Zirchianna thenkh- ata a lan danin, mih- ring, a huhoa enkawl- na hmun, District Jail leh De-Addiction Centre-ah te chuan heng hri inkaidarhna hi a hluar bik tih hmuhchhuah a nih angin Kolasib district chhung a heng hmun ahte hian Campaign neih a nih tur thu Bawrhsap chu- an a sawi a. Kolasib chu state thenawmte nen ramri intawm a nih avangin natna ink- aichhawn theih hrang hrang veite dapchhuah leh enkawlna pe tur a hmalakna chuan ram pum hriselna thui tak a tha zawngin a nghawng ngei a beisei thu a sawi.
Senoir Medical officer Dr. RK Lalthlamuana’n a sawi danin, ISHTH campaign chhung hian District Jail, Jordan Home, Sethawn, Golgotha Home, Vairengte, TNT, Khuangpuilam, Swadhar Greh, Kolasib leh Vairengtea enkawl mek mi 350 vel hriselna endik a ni ang a. STI, HIV, TB leh Hepatitis hrik an vei leh vei loh endikna kalpui a ni ang a, a tul dan azirin Counselling leh enkawlna an pe dawn bawk a ni.