La Liga season tawp ni ah Celta Vigo an him hram a, champion thar Barcelona lakah 2-1 a hnehna changin dinhmun himah an inhlangkai.
Season tawp ni ah hian tla thei dinhmun a ding team paruk an awm a. A tawpah erawh Real Valladolid in goal an khung theih loh chu tuarin Getafe nen goal inpe lova an inhnehtawk avangin 18-naah an awm a. La Liga atangin an tla.
Estadio de Balaídos-ah Celta Vigo tan halftime dawnah tunlai football a midfielder ngaihven hlawh ber zing ami Gabri Veiga chuan Marcos Alonso leh Andreas Christensen te bumin goal a khung.
Minute 65-naah Veiga bawkin a ball vawrh luh atangin vannei angreng takin an goal hnihna a khung nawn.
Barcelona hian minute 79-naah Ansu Fati hmangin goal khat khung mahse an khung belh thei lova. A zawna season 12-na atan Celta Vigo in La Liga an la khel dawn.
Inkhel dangah Valencia pawhin dinhmkun derthawng a an awm hnuah an him a, Diego López goal khung dampui in Real Betis nen 1-1 in an inhnehtawk.