Azl: IOCL-in LPG hralh chhuahna man Retail Selling Price a tihchhuah angin, Food Civil Supplies and Consumer Affairs (FCS&CA) Director chuan thuchhuah siamin Mizoram chhungah LPG 14.2 KG (Domestic) leh LPG 19 KG (Commercial) rate chu a hnuaia mi ang hian bithliah thar a ni a, June ni 1, 2023 atanga hman tan nghal a ni tih mipui te a hriattir.
Vairengte-ah 14.2 KG domestic chu Rs. 1,246 man a ni ang a. Mizoram pum puiah (Vairengte tih loh)-ah chuan Rs. 1,255 a ni ve thung ang.
Aizawl Municipal area leh District Hqrs.-ah te ‘home delivery’ kalpui tawh tur a nih avangin Rs. 70.00 aia tam lo belh zel tur a ni a, godown-a hralh erawh chuan Rs. 29.26 zel paih thung tur a ni. Home delivery a kalpui thei ngang lo veng, point delivery kalpuinaah chuan Rs. 7.53 belh zel tur a ni.
LPG Distributor tin te chawm tur khua leh an hlat zawng tar lante KM zat leh pawisa chawi belh ngai zat ta rlante hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.
Kaihhruaina tar lante hi hun laklawha IOCL lamin a rate an rawn ti danglam a nih pawhin instruction tar lan ang hian kalpui zel tur a ni ang.