Denver Nuggets in a vawikhatna atan NBA title lak an hnaih tawh viau a. Inrinni zingah Miami Heat chu 108-95 a hnehin 3-1 in series-ah hma an hruai tawh.
NBA Finals game 4 hi Miami a Kaseya Center-ah khelh niin Nuggets in mikhual team ni chungin thawhhona leh tanrualna tha an lantir chu an chakpui a. Defence lamah pawh tangrual tha in tun Playoffs tir lama Miami in an hlauhawmna ang kha an lantir thei lo.
Nuggets tan Aaron Gordon chuan point 27 neiin team tana score hnem ber a ni a. Nikola Jokic chuan 23 leh rebound 12 la in Jamal Murray chuan point 15 leh assist vawi 12 a nei ve bawk.
Naktuk zing dar 6-ah Denver hi an mualah an chak leh chuan an champion ang.