Manchester City captain Ilkay Gundogan chuan tun thla a contract a hman zawh hnuah free transfer in Barcelona a zawm dawn.
Kum 32 mi Gundogan hi City in contract thar an zawrh a, nimahsela Spanish champion lai hian kum thum daih contract lian zawk an zawrh avangin an sawmna a thlang.
Man City boss Pep Guardiola chuan tun season a treble champion an nihna kawnga pawimawh tak Germany midfielder hi chelh zui duh mahse an inrem thei lo.
Gundogan hian tun season-ah game 51 khelin goal 11 a khung a. Season tawp lamah a pawimawhzia langin an inkhel hnuhnung pasarih atangin goal ruk a khung a. FA Cup final-ah Manchester United 2-1 a an hnehna turin goal hnih a khung.
City director Txiki Begiristain chuan Gundogan chu inremna ziahpui an tum thu tun thla tir khan a lo sawi tawh a. Nimahsela an inrem thei dawn lo nia a lan hnuah Croatia midfielder Mateo Kovacic chu lalut turin Pound maktaduai 30 in inremna an nei tawh.
Kum 2016 khan Gundogan hian City hi Borussia Dortmund atangin Pound maktaduai 20 in a zawm a. An tan vawi 304 inkhel tawhin goal 60 a khung tawh.