Excise & Narcotics Department (END) leh Assam Rifles (FIU) te thawkdun chuan heroin thahnem tak an man.
An thudawn bawhzuiin June 21, 2023 zan dar 11:50 khan Serkhawn, Lunglei-ah heroin kg 1 leh gram 13 (hawng 79) leh a neitu nia puh mi panga – Lalrinmawia (49), Section – V, Electric veng, Lunglei; Lalramthara (29), T-Section, Ramhlun North, Aizawl; Lalrintluanga (42), Farm Veng, Lunglei; Helen Rozamliani (44), Section V, Electric Veng, Lunglei leh Lalthianghlimi (32), Section II, Electric Veng, Lunglei nia inchhalte an man.
END leh FIU te hian heroin phurhna atana hman Bolero Pik-up Regn No AS 11/DC-6129 pawh an hreng nghal.
Heroin vanga mante hi dan tlawhchhanin thubuai siamsak an ni.