Mizoram Youth Commission chuan nimin khan MYC Youth Centre-ah United Kingdom-a Registered Nurse hna thawh tumte tan kawng inkawhhmuhna hun an buatsaih.
He hun hmanpuitu MYC chairman Dr Vanlaltanpuia, MLA chuan, MYC leh CHARCOS GLOBAL thawhhona hnuaiah UK-a Nurse hnathawk tura OET pass tawh Mizo nula 10 an awm tawh thu sawiin, hun reilo teah hlawh tha tak hmu in UK-ah Register Nurse hna an thawh mai tur thu a sawi.
He hunah hian RN Queen Elizabeth Hispital London-a thawklai Maruat Mynett chuan UK-a Nurse hnathawk tura tih tur hrang hrang leh an hnathawh dan te a sawifiah a, kalkhawm thalaiten an hriat duh ang leh tul tur an hriat atana pawimawhte zawtin an inhrilh tawn bawk a ni.