Celtics, Washington Wizards leh Memphis Grizzlies te chuan team pathum inrawlhna trade neih an remti a. Center Kristaps Porzingis chu Celtics lamah kalin guard Marcus Smart chuan Grizzlies a zawm a. Guard Tyus Jones chu Wizards lamah a kal ve thung.
An inremnaah hian Memphis hian Boston hnenah tukin zing NBA Draft a round hmasa ber 25-na a thlan theihna leh kum 2024 a first round pick Golden State Warriors hnen atanga an dawn tur an pe tel.
Celtics in kumin NBA Draft a 35th pick chu Washington hnenah hian an pe a, hei bakah forward Danilo Gallinari leh center Mike Muscala te Washington hnenah an kal tir bawk.
He trade atang hian Celtics in kum 28 mi Porzingis, season liamta a NBA a center che tha pawl an neih belh dawn a. Point 23.2 average neiin 8.4 leh rebounds average a nei bawk.
Celtics hian NBA champion ni thei tur zinga ngaih an ni fo chunga an hlawhtlin theih thin loh chu siamthat tumin an team hmelhmang an thlak danglam a. Jayson Tatum leh Jaylen Brown te thlawptu tur palian an lalut.
Memphis-ah an mamawh tawnhriat nei tha guard an nei dawn a, team insiamthat tum Wizards in an point guard rinrawl thar ni tur Jones an nei thung.