Police-ten nimin khan Assam-a Kokrajhar district-ah ralthuam thahnem tak an man a, heng an thil mante hi Tulsibil police outpost huam chhung, Panijani ram hnuai atanga hai chhuah a ni.
Police-te hian Tulsibil-ah ralthuam tam tak thuhruk a awm tih an dawng a, Panijani Part II ram hnuai huam chhung hi an dap a, an hai chhuak a, an man ta a ni tih an sawi.
Ralthuam thuruk dapnaah hian Additional SP (headquarters) Kokrajhar Mukut Rabha, Latuk Das (TSI) leh Tulsibil outpost in-charge Partha Pratim Biswas leh thawktu dangte an chhuak a. Mihring man erawh an nei lo thung.
An ralthuam hai chhuahte hi AK 56 rifle 2,a magazine 3, No. 36 HE Grenade 2, detonator 2, 7.62 mm leh AK silaimu 211 a ni.
Kokrajhar-a police hotute chuan, “Police-te chu ralthuam leh puak thei an mante bawhzui hian an chhuak zui a, a neitute chhui zui hna thawh nghal mek a ni,” an ti.
Assam police-te hian hman ni lawk khan Bodoland Territorial Council (BTC) hual chhungah pawh an thu dawn bawhzuiin ralthuam thahnem tak an lo hai chhuak tawh bawk.