Aizawl: BJP Mizoram President Vanlalhmuaka’n Uniform Civil Code (UCC)-in engti kawng mahin hmarchhaka tlang mite a huam tur a ni lo tiin a sawi.
Nimin khan Guwahati-ah BJP Eastern Zone State 12 office bearers meeting neih a ni a. He thutkhawmah hian BJP Mizoram President Vanlalhmuaka chuan Political Scenario of State chungchangah Manipur leh UCC chungchang sawi chhuakin, Manipur buaina tireh thuai a tul thu leh UCC hian engti kawng mahin hmarchhaka tlang mite hi a huam tel tur a ni lo tiin a sawi.
BJP Eastern Zone meeting agenda atan hian state hrang hrang political scenario and challenges tih te, MLA leh MP Election lo awm tur atana inbuatsaih dan tur te, Prime Minister Narendra Modi sorkar kum kaw chhung hnathawh thlir letna te a ni a. B L Santhosh, National General Secretary (Org)-in a hmanpui.
Meeting-ah hian Bihar, Jarkhand, Odisha, West Bengal, Assam, Sikkim, Arunachal Pradesh, Nagaland, Manipur, Mizoram, Meghalaya leh Tripura atangten an tel a ni.