BJP Mizoram President Vanlalhmuaka’n Manipur buaina avanga Pathian hming chawimawia a awm ringawtte hi lawmawm a tih thu a sawi.
Nimina an pisa-a chawlhkar thar inhlanna inkhawmah Vanlalhmuaka chuan Manipur buaina avanga khawvel pumah Zohnahthlakte thlavang hauhna hrang hrang hmuh tur awm leh Zohnahthlak te hmingchhiatna sawi tur awm lo leh Zohnahthlak bei tute khawvel-in a dem rawn ta hi tanrualna rah chhuah a nih thu a sawi.
Vanlalhmuaka chuan Manipur buaina avanga Pathian hming chawimawia a awm ringawt te hi a lawmawm tih sawiin, “Ringtuten kan ralthuam tha ber tawngtaina hmangin Manipur buaina hi kan puih a, kan unaute dikna hi khawvel mi te hmuhah a lan chhuah zel theih nan tawngtaina nen thilpek nen kan theih ang anga puih hi kan tih tur a ni,” a ti.
Inkhawmah hi Chawnghmingthanga, GS, Aizawl District-in inkhawm a kaihruai a. State Spokesperson K. Laldinthara, State EM Robinson Hmar, State Secretary Christopher Lun te pawhin thu an sawi bawk.