Aizawl: BJP Mizoram President Vanlalhmuaka Mizorama puantaha eizawngtute chu Mizoram sorkarin ngaihthahah puhin, sorkar laipui atanga an tana tanpuina awm theite bawhzuisak duh loah an puh.
Thawhtannia BJP state pisa-a ‘National Handloom Day’ puala hun hmanah Vanlalhmuaka chuan, “India ramah Handloom Day hman a ni a, Mizoramah pawh chutiangin Handloom Day kan han hmang thei hi a lawmawm hle a, kum nga chhungin Handloom hmanga eizawng tur mi sing hnih atanga sing thum chu BJP Mizoram chuan kan target a ni,” a ti.
Vanlalhmuaka chuan sorkar laipuiin puantahtuten mahni kea an dinchhuahna tur sum tak tak a dah a. A hai luhna kawnga sorkar muthlu mek chu BJP Sorkar chuan an kai harh dawn a, puantah hmanga state-in a dehchhuahte chu Mizoram pawnah nasa takin an thawnchhuak ang a, Mizoram sum bawm pawh a tha dawn tih a sawi.
Mizorama puan taha eizawngtute tan Mizoram sorkar hian sorkar laipui tanpuina hmanga puih a duh loah puhin Vanlalhmuaka chuan mak a tih thu a sawi a. State sorkar hian mahni thar chhuah leh dehchhuah hmang lo chuan intodelhna kawng a awm thei dawn lo tih a hre lo a nih chuan vanduaithlak a tih thu a sawi bawk.