Prime Minister Narendra Modi leh Russian President Vladimir Putin te chu Thawhlehni khan phone-a inbiain Afghanistan-a thil thleng leh an mite chungchang an sawi dun.
Ram pahnih hruaitute hian Afghanistan-a thil thlengin anmahni leh khawvel a nghawng theih dan turte an sawi dun a. Ram inkawmngeih tak pahnih hian thlithlai dun renga an mi pawimawhte pawh viltir reng ni se an ti.
India leh Russia-in ‘Special & Privileged Strategic Partnership’ an neih chu Covid-19 hripui karah pawh kalpui zel dan tur an sawi dun a. Hripui len laia an thawh dunna chungchangte pawh sawiin a that thu an sawi a, a bikin Russia-in India hnena an rama a siam, ‘Sputnik V’ vaccine a thawn chungchangah Modi hian lawm thu a hrilh.