Siaha, New Colony leh College Vaih-a lei chet thinna hmun (sinking area) chu nimin khan Disaster Management & Rehabilitation Department Secretary K Lalrinzuali’n a tlawh a. District official te nen hmalak dan tur an sawiho nghal.
DM&R Secretary K. Lalrinzuali chuan lei chetna hmun chu sorkarin a ngaipawimawh hle nia sawiin, Chief Minister pawhin Ministry of Home Affairs-ah vawi tam tak DPR a thehluh tawh thu a sawi a. National Disaster Management Authority (NDMA)-in siamthat ngai lai an ra- wn hriattir angin DPR thar siam turin Bawrh- sap office lam hriattir tawh an nih thu a sawi.
Lawngtlai Bawrh- sap Lalhmunsanga Hn- amte pawhin tun din- hmunah District disaster management auth- ority (DDMA) hmala- knain concept paper peihfel a nih tawh thu sawiin, DPR thar siam tur firm thlangfel tura hmalak mek a nih thu a sawi bawk.
Fur khaw cheng leh ruah sur nasat hunlai a nih avangin lei chetna hmuna awm te chu fimkhur leh inralring renga awm turin DM&R Secretary chuan a chah a. DM&R Secretary leh District official te chuan tun dinhmunah lei hnuaia tui lut tam lutuk tur ven chu pawimawh hmasa nia an hriat thu sawiin, a theih ang anga hmalak an tum thu an sawi.
DM&R Secretary hian Ningani khan Lawngtlai-III leh Law- ngtlai Electric Venga lei tlahniam pawh tla- wh tawhin, Lawngtlai Bawrhsap H. Lalhmi- ngthanga leh official dangte leh Lawngtlai-III bialtu MDC T. La- lengmuana te, khawtlang hruaitu leh YLA hruaitute nen lei che-in a nghawng hmun hrang hrang tlawh kualin, hmalak dan tur te an sawiho a ni.
DM&R Secretary chuan kumin May thlaa Cyclone Mocha leh tunhnaia fur khaw cheng avangin hmun hrang hrangah chhiatna a thleng nia sawiin, chhiatna karah official leh tlawmngai pawlte leh khawtlang mipuite thawhhona a ṭha ṭhin hle nia sawiin, lawmthu a sawi.
Lei tlahniam tuartute a tawrhpui thu sawiin, sorkarin ṭanpuina leh chhawmdawlna a hun taka pek a tum ṭhin thu leh sorkar aṭanga tih tur ṭul te chu theihtawpa bawhzui a nih tur thu DM&R Secretary chuan a sawi bawk.
Lawngtlai Electric Vengah chhungkua 23 chu hmun him lamah sawn tawh niin, in dinglai pahnih ṭhiah a ni a. Chhiatna tuartute chhawmdawlna pawh District Disaster Management Authority aṭangin a ṭul anga bawhzui mek a nih thu sorkar thuchhuah chu- an a tarlang a ni.