Aizawl: MNF MLA Er.H. Lalzirliana’n Assam Rifles-te insawn chhuak tura nawrtu leh kutthlaktu awm chhun chu MNF a nih thu a sawi.
He thu hi nimina MNF party-in an pisa Mizo Hnam Runa chhung inkhawm an neihah a sawi a. Mamit bialtu MLA chuan, “Assam Rifle sawn chhuak tur hian MNF lo tunge bei ve reng reng ni? Kan duh angin an la chhuak zo lo mai a ni,” a ti a; a nawrtu leh sawn chhuak tura kutthlak awmchhun an nih vangin sawi ngam ber tur pawh an nih thu a sawi.
Er Zira chuan ramri buai hmachhawn danah MNF sorkar a che tha hle a, “Assam-in ram hnehchhuh an tum kawnga Pu Zoramthanga sorkarin a beih letna kha a ropui a, state dang MP leh minister-te pawhin Mizoram sorkar chet dan an fak hle,” a ti a, Mizoram sorkarin raltlan a lo tuam hlawm hian Mizo hnam tana ding ngam sorkar a nihzia a tilang hle tih a sawi bawk a ni.