Aizawl : Headquarters Inspector General Assam Rifles (East) hnuaia Assam Rifles Battalion chuan vawiin hian Rozgar Mela/Job Fair tum riatna-na, 2 AR Gajraj Hall, Lakhimpur Battalion, Aizawl-ah a buatsaih dawn.
Sorkar laipui ruahmannain Rozgar Mela/Job Fair chu vawiin hian state hrang hrang 25-a hmun 44 ah te huaihawt a ni dawn a. He hunah hian sorkar laipui hnuaia department hrang hranga hna hmu thar mi 70,000 dawnte hnenah appointment letter pek chhuah a ni ang. Prime Minister Pu Narendra Modi chuan ram pum huap hun hman hi a kaihruai dawn a, live streaming kaltlangin thalaite hnena thuchah a sawi hnuah hna hmu thar a hmuna awmte hnenah appointment letter a sem chhuak dawn a ni.
Assam Rifles huaihawta Mizorama Rozgar Mela/Job Fair neih tur hi Union Minister of State for Minority Affairs John Barla chuan a hmanpui dawn a, hna hmu tharte kutah appointment letter a hlan dawn a ni.