Aizawl: AMC Ward XV Corporator Zodingpuii chuan Inrinni zing khan Bungkawn Vengthar Badminton Club leh YMA te hman tur generator (3500W) a hlan.
Hlanna inkhawmah Zodingpuii chuan Bungkawn Vengthar hi Aizawl West III huam chhunga hall nei awm chhun an nih thu sawiin, “Veng dang atanga helai hmuna infiam tura lo kal thinte pawhin phur taka an lo kal a, nuam ti tak leh thlamuang taka inthlahrung hauh lova an inkhel thin hi veng neitu mipuite rilru zauzia leh inpekna vang a ni a. Chumi atana an mamawh huna hman tur generator neih hi a tul a, chutiang huna tangkai taka hman atan a ni,” tiin generator a pek chhan a sawi.
Rorelliana, President, Badminton Club leh C. Lalramchhuanga, Vice President, Bungkawn Vengthar YMA Branch ten lawmthu an sawi bawk.