Home Minister Lalchamliana chuan July 26, 2021-a Vairengte daia Mizoram Police leh Assam Police an inkah hnu khan police silai keng awmna hmun border outpost nghet leh duty post nghet lo hmun tam takah dah a nih thu a sawi.
Lalchamliana chuan, “BOP leh duty post panna kawngte pawh a remchan dan anga siam a ni,” a ti a. Inkahna a awm hnu hian Assam leh Mizoram ramri buai ching fel turin inbiakna vawi eng emaw zat buatsaih a nih thu a sawi a. High-level delegation (state pahnih minister-te kaihhruaina hnuaiah) tum thum inbiak a ni a. Minister pahnih kaihhruainain biakhmuhtheih hmangin vawi thum inbiakna huaihawt a ni bawk a. Minister pahnih kaihhruaia Guwahati-a inbiak tum thumnna a thuchhuah intawm an tihchhuah bawhzuiin Mizoram sorkara home department-in February 13, 2023 hmangin Assam sorkar hnenah Mizoramin a a ram hauh chin leh ram hauh chin huam chhunga mihring cheng leh khaw chungchang thil hrang hrang sawifiah tura ngenna a thehlut tawh tih a sawi bawk.