Union Minister of State for Minority Affairs John Barla chuan Mizoram state sorkarin mipui hamthatna aia anmahni hlawkna an ngaihtuah thin avangin mipuite an retheih phah niin a sawi.
Inrinni tlaia BJP party-in an party pisa, Mipui Run a kumin MLA inthlanpui lo awm tur thlirlawkna an neih a hmanpuinaah Barla chuan Mizoram mipuite chu kumin MLA inthlan lo awm turah mi retheite tana hamthatna hrang hrang neitu, mipui sorkar BJP an thlang tling a nih chuan Mizoramah hmasawnna a takin an hmu ngei dawn tih a sawi.
Union minister chuan Mizoram state sorkarin PM scheme hrang hrangteah hma an lak that duh loh avang leh an puanzar that duh loh avangin mi retheiten nasa takin an tuar tih sawiin, “State sorkar hian mipui hamthatna aiin anmahni hlawkna an ngaihtuah thin avangin mipuite hi kan retheih phah a ni,” a ti.
Inkhawm hi Vanupa Zathang, Core Group Member-in a kaihruai a, State President Vanlalhmuaka’n union minister hnenah thilpek pe bawk.