Minute li chhunga chesual Man United an tho leh, Arsenal in player 10 a khel zo Fulham an hneh thei lo

Manchester United in an chet nawi avangin minute li chhungin goal hnih an chhuah a, mahse hnehna chang tura tho lehin Nottingham Forest chu 3-2 in an lehthal.

Old Trafford-ah United tlarhnung ngheh loh avangin Taiwo Awoniyi leh Willy Boly ten minute 2-na leh 4-naah goal an khung.

United in Christian Eriksen hmanga first half a goal khat an khung ve hnuah second half-ah Casemiro chuan an si phurh a sut. Forest captain Joe Worrall red card pek a nih hnuah Forest hian penalty an chawi bawk a, United captain Bruno Fernandes chuan goal-ah a khung.

United coach Erik ten Hag chuan, “Chak duhna leh inpekna a awm. He team hian a chetsual hnuah a tho leh thei a ni tih a lantir thin. Bul tan that loh chuan insiamthat theih a pawimawh.” tiin a sawi zui.

Inkhel dangah Arsenal in Fulham lakah minute 1-naah goal an chhuah a. Bukayo Saka tihsual atang Andreas Pereira chuan goal a khung.

Saka penalty leh Eddie Nketiah goal hmangin an chak dawn nia a lan laiin Joao Palhinha chuan second half a red card vanga Calvin Bassey chan Fulham tan huntawp dawnah goal a khung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427