Mizoram a taekwondo inelna lian Mizoram Official Taekwondo Championship vawi 25-na leh Mizoram Poomsae Championship vawi 16-na chu Inrinni khan neih zawh a ni a. A pumpuiah Aizawl Taekwondo Academy, Electric Veng an champion.
Overall champion lallukhum humhimtu Aizawl Taekwondo Academy hian gold medal 13, silver medal 18 leh bronze 15 an la a, a vaiin point 2860 an hmu.
Exodus School Taekwondo Club chuan chuan pahnihna an hauh a, Taekwondo Academy of Best Friend chu pathumna niin Best Fighting Spirit Team Trophy an dawng bawk.
Point 1541 hmutu Gidae Taekwondo Academy chu Most Promising Team niin Armed Veng South Taekwondo Club chuan Best Discipline Trophy an dawng.
He championship-ah hian Best Fighter atangin Nyusa (Lunglei SAI) leh R. Lalbiaknuami (TABF) te thlan an ni a. Best Poomsae performer atan Daniel Lalhumthanga (Gidae Taekwondo Academy) leh Vanmalsawmi (Exodus School Taekwondo Club) an thlang bawk.
Champion of Champions 2023 zawnnaah Champion lai Vanlalmawipuia(Hnamte TC) leh C.Lalbiaknuami (TABF) te chuan an title an hum ve ve a ni.