Real Madrid in manto taka an lakluh England midfielder Jude Bellingham chuan a team thar tan lakluh manhla tak a ni tih a lantir leh a. Goal khung lehin 1-0 in Real Madrid hi hnehna a chanpui.
Estadio de Balaídos-ah Celta Vigo in Los Blancos hi an mikhual a, Real tan hian Rodrygo chuan second half-ah penalty pet goal lo mahse kum 20 mi Bellingham-a’n minute 81-naah chakna goal a khung.
Real Madrid tana chanchin lawmawm lo erawh an forward rinrawl Vinicius Junior inhliam a ni a, minute 15-naah lakchhuah niin Carlo Ancelotti pawlten inhliam avanga buaina an neih mek a belhchhah a. Player pawimawh chhawr theih loh zingah a tel rih dawn niin a lang.
“Vinicius khan a ke ah na a nei a, kha vang khan kan la chhuak. A tihrawl lamah harsatna a awm niin kan hria a, kan enfiah ang.”
“Hliam na lutuk a nih a rinawm lo, amah chuan inkhelh chhunzawm kha a duh a, mahse kan fimkhur a ngai. International break zawhah chuan a inkhelh leh theih tawh ka beisei.” tiin Ancelotti chuan a sawi.