Singapore-a rawlthar kum 16 mi chu Christchurch-a mi beihna thleng champhaah hetiang deuh chiaha mosque pahnih beiha Muslim thah tuma ruahmanna a siam avanga manin an hreng.
Rawlthar hian Christchurch-a mi thattu, Brenton Tarrant-a chet dan anga cheta chem hmanga mi thaha a che vel lai online-a livestream a tum nia puh a ni.
Internal Security Act hnuaia Singapore-a man naupang ber a ni a, he dan hi thubuai sawi pawh awm lova mi man hmak theihna a ni.
Christchurch-a mosque pahniha mi pawngkahna thleng kha New Zealand ram chanchina a rapthlak ber a la ni.
March 15, 2019-a mosque pahnih a beihnaah hian Tarrant-a hian mi 51 zet a kap hlum a, chhuah lailawk awm miah lova dam chhung lung in tang tura hrem a ni.
Singaporean rawlthar man tak hi tunge a nih tar lan a ni lo va; mahse, Protestant Kristian nia sawi a ni a. An ram Ministry of Home Affairs (MHA) chuan ‘Islam haw em em, tharuma chet chhuah duhna lian tak nei’ niin an sawi.
Firfiaka chetna leh tharum thawha chetna tlemna, Singapore-ah hetianga mi huat bik riau neih avanga tharum thawh duhna nei leh tharum thawh man hmasak ber a ni a. Thla hmasa daih tawha man kha a ni nghe nghe.