Israel sorkar fir tak a security minister ni mek chuan Supermodel Bella Hadid chu kap in, tunhnaia West Bank-a palestinian te chungchanga thu leh hla a lo nei ve ngawt chu na takin a beilet.
Channel 12 interview-ah Palestianian firfiak te’n Israel pahnih an thah hnu deuh maiah National Security Minister Itamar Ben-Givr chuan Palestianian te’n dikna leh chanvo an neih aiin Juda ho awmna hmuna a chet vel theihna zalenna hi a chungnung zawk, a ti.
“Judea leh Samaria hmuna zalen taka ka veivah theihna Ka dikna, ka nupui dikna leh ka fate dikna hi Arabs ho zalen taka veivah theihna aiin a pawimawh fe zawk,” tiin a sawi. West Bank tih hming lam lovin, Bible hun laia kohdan (Judea & Samaria) tih a hmang.
Hadihd hi social media influencer a nih mai bakah a pa Palestinian a ni a, follower maktaduai 59.5 awmna instagram-ah, “Kum 2023 ah hian a hun leh hmun chungchangah midangte tute emaw nunna hi a hlu zawk tur em ni ang? A bik takin, an hnam, nihna leh culture leh huatna dik tak atanga enin?,” tiin a ziak. Iin Ben-Givr interview tawi dahchhuakin, zawhna a siam zui nghal.