- Ruata
Beisei danin vawiin atang ni 7 chhungin Indian automotive marketah lirthei pawimawh tak tak pathum tlangzarh a ni dawn a, bike pahnih leh SUV pakhat te an ni. Heng bike te hi Hero Karizma XMR 210 leh Royal Enfield Bullet 350 te an ni. SUV lamah chuan Honda Cars India chuan Elevate midsize SUV an rawn pholang dawn a ni
- Hero Karizma XMR 210 – Aug 29 Vawiinah
2023 Hero Karizma XMR 210 hian design thar tak tak, tunlai hmanraw changkang ber ber leh khawl chak tak a nei dawn a. Bike thar tur hian 210cc engine DOHC khawl a hmang ang a, power leh torque tur hi official-a puan a la ni lo nain 25PS power leh 20Nm torque te beisei a ni. Karizma XMR 210 hi hain box-style swingarm leh steel trellis frame a nei dawn a. A kentel langsae deuh tur te chu LCD instrument cluster, LED headlight design mawi tak, windscreen lian tak, leh fairing mawi tak a nei a ni.
- 2023 Royal Enfield Bullet 350 – Sep 1-ah
Royal Enfield Bullet 350 thar tur hi kumin two-wheeler arena-ah a langsar ber te zinga mi tur a ni a. RE Meteor 350 platform leh engine rawn tawm tur Bullet 350 thar hi 350cc J-series engine hmang tura ruahman a ni a, 20.2bhp leh 27Nm torque a pe chhuak thei dawn a ni. A nghawr (vibration level) nei tlem tak khawl tia hriat lar he he khawl thar hi a tunlai hle a. 2023 Royal Enfield Bullet 350 hian single seat zau zawk, handlebar design thar leh grab rail thar a rawn keng tel dawn a. Kentel tur lamah chuan digital-analog instrument cluster thar tak, LCD information display nei a rawn kengtel tawh dawn bawk a ni. Model lineup-ah hian variant pathum a awm dawn a, chungte chu Military, Standard, leh Black Gold te an ni.
- Honda Elevate – Sep 4-ah
SUV lamah han kai veleh ila. Hyundai Creta bakah company hrang hrang siam midsize SUV dangte rawn el tur a ni dawn a, he lirthei huang hi tunhnaia mite lei tam lirthei huang a ni. Trim pali – SV, V, VX, leh ZX-a awm dawn a, he SUV khawl tur hi 1.5L, 4-cylinder naturally aspirated petrol engine niin he engine hi 6-speed manual emaw 7-speed CVT automatic gearbox nen a thlunzawm a ni a. He khawl hian 121PS power leh 145Nm torque a pe chhuak thei a ni. A man to ber ZX trim hian feature hrang hrang changkang tak tak a nei a, chung zingah chuan Advanced Driver Assistance System (ADAS), 10.25-inch touchscreen infotainment system, leatherette upholstery, auto-dimming interior rearview mirror, 8-speaker sound system, thildang tam tak kan hmu dawn a ni.
Engpawhnise, tunhnai te te a tlangzarh leh phochhuah tur an ni hlawm a, a chanchin kimchang hi kan la sawiho chho zel dawn a ni a. India ram lirthei market-a nghawng lian tak nei tur lirthei an ni ṭheuh tih erawh a chiang a ni