RB Leipzig in second half-ah goal thum khungin player 10 a inkhel zo Union Berlin chu 3-0 in an hneh a. An khingpuiten mahni mualah tlawm lova club record an siam lai chu an titawp.
Stadion An der Alten Försterei-ah hian Leipzig tan striker thar Benjamin Sesko chuan huntawp dawnah minute hnih chhungin goal hnih a khung a. Xavi Simons chuan minute 51-naah goal mawi tak a lo khung tawh.
Union hian an mualah hian league match 24 chhung tlawm lova an kal hnua an tlawm leh hmasak ber a ni.
First half-ah team pahnihten chance an nei tam lova, second half tan tir a Simons-a’n goal a khung hnuah chauh inkhel a nung a. Minute 67-naah Union forward Kevin Volland chu hnawhchhuah a ni bawk.
Inkhel dangah Eintracht Frankfurt chuan Niels Nkounkou goal hmangin 1-1 in FC Cologne an draw hram.