Azl: Central KTP-in nimin atang khan Synod Camping Centre, Neihbawihah ‘Chhanchhuahna Camping’ an buatsaih tan a, September 23 thleng awh tur a ni.
Kar thum awh tur camping-ah hian Tual Upa Jerry Laltanpuia, Krista Remna Palai Team chu speaker a ni a. Tan atanga ni 10 chhung chu detox hun atan hmang phawtin, September 13 atangin team-ten hun an hmang tan dawn a ni.
‘Chhanchhuahna Camping’ hi KTP member-te tana buatsaih a ni a, camper-te hi branch KTP buaipuina hnuaia lut an ni a. Hetihlai hian KTP kum bithliah pel tawh leh kohhran dang atanga lut an awm nual.
Camping hi mi 150 luh theihna tura ruahman ni mah se mi 200 chuang lut an awm thung.