Health Minister Dr R Lalthangliana’n nimin khan Serchhip District Hospital leh Health deptt. hmunh- ma te tlawhin a enfiah.
Health Minister chuan Serchhip district chhungah hmasawnna hmuh tur tam tak a awm thu sawiin, tanlak tulna lai pawh engemawzat a la awm thu a sawi a. “Hriselna kawnga hma- laknaah sorkar leh tha- wktute chauh tih theih a ni lova, mipuite nen tangruala hmalak a tul” a ti.
Sorkarin hriselna a ngaihpawimawh thu sa- wiin Health Minister ch- uan nasa lehzuala hmasawn turin theihtawp an chhuah zel niin a sawi.
Health Minister ch- uan Serchhip District Hospital thar khum 100 awm theihna sa tura inbuatsaihna kal mek pawh enpui a. Building thar sakna tur lungphum phum thuai tura ruahmanna siam a nih thu a sawi bawk.
Health Minister hi Serchhip Chief Medical Officer Dr LP Malsawma, Serchhip District Hospital Medical Superintendent Dr. ZD Lalmuanawma leh thawktu dangte bakah thuthar thehdarhtute, khawtlang hruaitute leh sorkar official ten an lo dawngsawngin, thawktu ten an dinhmun, an mamawh leh harsatna an neih te an lo thlen a ni.