Gandhi zahna chibai buk

Aizawl : India Hnam Pa, Mahatma Gandhi a pianchamphaphak vawi 154-na pualin nimin zing dar 7:30 khan larsap Dr. Hari Babu Kambhampati leh Chief Minister Zoramthanga ten PUC Campus-ah Mahatma Gandhi-a lim a pangpar dahin zahna an lantir.

He hunah hian Home Minister Lalchamliana; Minister dang R. Lalzirliana, Lalruatkima leh Robert Romawia Royte te pawh zahna lantir nan pangar an dah bawk a. Chief Secretary Dr. Renu Sharma leh sorkar hotu dangte pawh an tel bawk.

Mahatma Gandhi piancham October ni 2 hi United Nations in kum 2005 khan International Day of Non-Violence ah a lo puang tawh nghe nghe a ni.

SBI, Main Branch bula Mahatma Gandhi lim dahna thin lai hi siamthat tumna a awm mek avangin, he lai hmun atangin a lim hi PUC Campus ah sawn lai lawk a ni.

Leave a Reply

error: Content is protected !!