Bundesliga-ah season bul tan tha Bayer Leverkusen chu league hmahruaitu thar an ni a, match sarih atang a vawi ruk nan hnehna an chang a, 3-0 in FC Cologne an hneh.
Pathianni zana BayArena a inkhelah hian Xabi Alonso pawlte hian first half-ah goal hnih an khung a. Jonas Hofmann leh Jeremie Frimpong ten goal an thun hnuah second half-ah an club top scorer Victor Boniface chuan goal dang a khung a. Kum 22 mi hian league goal ruk a khungna niin tun season inelna hrang hrangah goal riat a khung tawh.
Coach Alonso chuan, “Kan inkhel a lungawithlak. Chance kan insiam hnem a, goal tam zawk khung thei kan ni. Kan insawrbing zel a ngai a, game sarih chauh la khel kan nih avangin inthlahdah thei kan ni lo.” a ti.
Bayern Munich winger Kingsley Coman chuan halftime hma leh hnuah goal a khung a. Leroy Sane chuan goal dang khung bawkin anni pawhin 3-0 in SC Freiburg an hneh ve bawk.