Milwaukee Bucks star Giannis Antetokounmpo chuan tun season a inkhel vawikhat a point score hnem ber ni turin point 54 lai a team tan nei thei mahse hnehna chan nan a tawk lova, Indiana Pacers in 126-124 in an hneh.
Indianapolis a Gainbridge Fieldhouse a inkhelah hian Greek star hi a team tan che tha hle mahse minute 1:29-ah ball hloh vawi hnih pawi tak a nei a, Tyrese Haliburton chuan 3 points pawimawh tak lutin hnehna an chan theih phah.
Inkhel a zawhin point 54 leh rebound 12 a nei a, turnover vawi 8 erawh a nei tel a. Pacers in defense an khelhdan a fakawm.
Pacers tan Haliburton chuan point 29 leh assist 10 a nei a, Bennedict Mathurin chuan point 26 leh rebound 11 a nei ve thung a. Point 18 laia hma an hruaina an hloh hnuah fourth quarter-ah point 10 a an hniam zawk hnuah an tho chhuak leh a ni.
Indiana coach Rick Carlisle chuan, “Player che tha tluang lai kan ven a ngai a, theihtawp a tha in a lakah kan khel. Defence kan khelhdanin an team a tibuai a, kan chak thei hi a lawmawwm.” a ti.