ECI duh dan angin Serchhip-ah vote chhiar dawn

Aizawl: Election Commission of India duh dan angin Serchhip district chhunga assembly constituency pathum-a vote tlate chhiar turin ruahmanna an siam.

Nimin khan Serchhip Additional DC Lalnundika hoin Serchhip DC meeting hall-ah vote chhiar inpuahchahna bul tan nan thukhawmin, Serchhip district chhunga assembly bial pathum – Serchhip, Tuikum leh Hrangturzo tea vote tla te chhiar turin ruahmanna an siam a, Thutkhawmah hian Counting Hall hmunhma tur te, venhimna chungchang te, chanchinbumi te dawnsawn na tur Media Centre ruahman dan tur te an sawi ho a ni.

Sorkar hnathawk vote chhiar tur inruat dan tur leh training mumal taka neih dan tur te, training na hmun tur te ruahmanna siam nghalin, chawlhkar thar lo awm tur atang hian vote chhiar turte leh vote chhiar kaihhnawiha duty tur official te tan training buatsaih tan nghal turin ruahmanna an siam bawk.

He hunah hian Serchhip SP MS Dawngkima bakah Assembly Constituency tina Returning Officer leh Assistant Returning Officer te, Additional SP, DIPRO leh Assembly Level Master Trainer te an kalkhawm a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427