National Basketball Association chuan Golden State Warriors forward Draymond Green chu Minnesota Timberwolves nen an inkhelh tuma buaina chhuaka a chetdan avangin match nga khel thei lo turin an hrem a, heng match a khelh atanga a hlawh tur ang chu a chawi bawk ang.
Ningani zingah Timberwolves leh Warriors inkhelah hian player pathum hnawhchhuah ngaiin an awm a. Warriors guard Klay Thompson leh Wolves player Jaden McDaniels te in tham buai atanga buaina chhuakah Green hian Rudy Gobert chu a nghawngah a kuai bet a. Hei vang hian hrem a ni.
Thompson leh McDaniels te hi Gobert ang bawkin Dollar 25,000 chawi tura hrem an ni bawk.
Hrem a nih avang hian Green hian Oklahoma City Thunder vawi hnih an khelh hun leh Houston Rockets, Phoenix Suns leh San Antonio Spurs an tum hunahte a inlan ve thei dawn lo.
Green hian Dollar 769,970 hrem a nih avangin a chan dawn tihna a ni a. NBA-ah inkhel thei lova hrem a nih tum nga na a ni.