Real Madrid midfielder Eduardo Camavinga chu France tana inkhel tura a inbuatsaihnaah a inhliam a, a khup a tihnat avangin hun engemaw chen a chawl dawn.
Kum 21 mi hian Nilaini khan training-ah Ousmane Dembele nen an inchhilhnaah a inti na a, a hliam hi enfiah a nih hnuah a chawlh hun tur sawichian ni lo mahse hmun thenkhatah chuan thla hnih vel a ni dawn nia ngaih a ni.
La Liga lam pawhin Camavinga inhliam thu hi an sawi chiang a. Tun season a a club tana league inkhela la inlan vek Camavinga hi Real Madrid in khup hliam avanga player an chhawr theih loh palina a ni a. Carlo Ancelotti-pawlten tun season-ah inhliam avangin harsatna an tawk nasa hle.
Ani bakah hian Colombia nen an inkhelh tumin winger Vinicius Jr. chu inhliam avanga lakchhuah a ngai bawk a, a chawlh rei chhung tur erawh hriat a ni lo.