Aizawl: Senior Club Mizoram chuan nimin khan Robert Lalawmpuia Autism Centre, Sihphir Neihbawih-ah an pawl inkhawmpui lian, High Council an hmang.
High Council-ah hun hnihah thenin, hun khatnaah kumin chhunga an pawl chet velna report an ngaihthlak bakah, an member thi te zingah an founder president C Lalrinliana, Zarkawt sunna hun an hmang.
Hun hnih naah High Council rorel inkhawm neih niin, an thurel zingah kum khata vawi hnih tal Cottage Meeting neih an pawm bakah, pawl anga hmunhma neih dan tur ngaihtuah nise an ti bawk.
High Council ah hian Sihphir Branch YMA te kaihhruaiin, kum 2023-2025 chhunga an pawl hruaitu tur mi paruk an thlang nghal bawk.
Senior Club Mizoram hian kum lama upa te dikna leh chanvo humhalh te, kum upa te hlimna siamsak leh kanvelna neih te, chhungkuaa inthlahrung lo tur an nihzia inzirtir te leh kum upa te hlutna chu a hnam anga thiam zel nana pawl din a ni. Tun dinhmunah Mizoram pumah member 200 an awm mek.