Tamil Nadu-a Vellore district-ah Ningani atanga ruah nasa sur avanga in chimah naupang pali telin mi pakua an thi tih thuneituten an sawi.
District Collector P Kumaravel Pandian chuan a hmunah tlawhin in chim hia hlui tawh hle a, Pernampet-a lui kamah a ding bawk niin an sawi.
“In chim taah hian mi pali an cheng a, ruah a sur nasat takah khan an thenawma mite chu a chhawng khatnaah hian Ningani zan khan an tlan lut a ni,” a ti a. Pernampet chu tui lian nasa takin a tibuai mek tih a sawi bawk.
“In hi a upat tawh avangin a hlauhawm tawh hle a, ruah a lo sur nen hian a derthawng hle a, Zirtawpni zing dar 7.15 vel khan a chim ta a ni,” tiin Pandian chuan a sawi.
Hliam tuar pawh awmin Gudiyatham Government Hospital leh Government Vellore Medical College Hospital, Adukkamparai-ah lak an ni.