AZL: Directorate of Ayush, Health & Family Welfare Department, Government of Mizoram hma laknain nimin khan TS Luaia Middle School, Rengtekawn, Kolasib-ah 8th World Ayurveda Day pualin hun hman a ni.
World Ayurveda Day vawi 8-na puala hun hmannaah hian District Hospital Kolasib aṭangin Senior Medical Officer (Ayush) Dr C. Vanlalhlimpuia hovin doctor leh thawktu dangte thawk chhuakin, TS Luaia Middle School-ah Ayurvidya (School Health & Education Programme) buatsaih a ni a. SMO Dr C. Vanlalhlimpuia chuan Ayurveda chungchang leh hriselna kawnga hriat tur pawimawh hrang hrangte sawiin, zirlai kal khawmte chu rilru leh taksa hrisel nei tura an nunphung leh ei leh in uluk turin a chah a. District Hospital Kolasib-a Physical & Stress Management Instructor R. Lalhmangaihzuala chuan zirlaite chu taksa sawizawi pawimawhna leh taksa sawizawi dan tur (basic yoga exercise) a zirtir bawk.