Uttar Pradesh Home Department chuan Additional Director General of Police, Kanpur hnenah tualthah hmang nia puh, gangster Vikas Dubey nena inzawmna nei police 37-te chungthu ngaihtuah tur leh an hna an thawh that loh avanga an phu tawk hremna pe turin a ti.
Chanchinbu thenkhat chuan police thenkhatte chu tun hma pawhin chhui chianna an lo hmachhawn tawh niin an tar lang.
Bikru khuaa police thenkhat thih dan leh an chet dan chhui turin Special Investigation Team (SIT), mi pathum kaihhruaina hnuaiah din a ni a. SIT hian police 37-te hi he chhiatna thlengah hian inhnamhnawihah a puh.
July 3 khan Kanpur-a Bikru khuaah hian gangster Dubey-a man turin police-te an thawk chhuak a. Kawnglakah Dubey-a hian lo lambunin police pariat thiin parukin hliam an tuar.