Yilan County, Taiwan-ah passenger phur rel, Puyuma Express chu a chesual a, hriat theih chinah mi 18 an thi a, mi tam takin hliam an tuar bawk niin sorkar thuneituten an sawi.
He rel chesual thlalak darh tawh thenkhata a lan dan chuan rel pindan eng emaw zat chu rel kawng sir velah a awm nuaih a. Thuneitute chuan he chetsualna hi an ram sanaa nimin tlai dar 4:50 (India sanaa nimin chawhnu dar 2:20 vel)-a thleng a ni a. Pindan 8 chuan a kawng zawh sualin pindan panga chu relkawng sirah an awm daih bawk.
Rel thuneitute chuan mi 132-in hliam an tuar niin an sawi a, tualchhung chanchinbute chuan mi 366 an chuang niin an sawi.
He rel hi chhim lama Taitung lam pana tlan a ni a, a chuang zinga pakhat chuan rel hi a chetsual hma pawhin a insawi nasa hle niin a sawi a. A chetsual chhan tak hi hriat a la ni lo thung.
Taiwan sorkar chuan chhanchhuah hna a thawk nghal a, hun eng emaw chen rel pindanah mi eng emaw zat an tang.