BTS member RM, Jimin, V leh Jungkook te chuan sipai a lut turin an inbuatsaih chhoh tan ta.
Big Hit Music-in thuchhuah an siamah chuan South Korea sipai a tang turin RM, Jimin, V leh Jungkook te’n an ramin sipaia tang ngei ngei tura mipa kumtling, fuke kim leh taksa lama harsatna nei lo te tana order sia chu a takin an kalpui ta a ni.
“Kan member RM, Jimin, V leh Jungkook te’n military zawm turin an inziak lut ta a, tun atanga reiloteah engkim tihfel a nih beisei a ni a, thu thar a awm chuan fan te kan inhriattir zel ang,” tiin Big Hit Music hian thuchhuah an siam.
J-Hope leh Suga te’n April leh September 2023 a sipai an zawm fel hnu ah RM, Jimin, V leh Jungkook te’n an zui ve ta a, a hmasa bera lut Jin hian December 2022 khan an ramin a kohna chu a lo chhang tawh a ni.
Big Hit Music hian 2025 a BTS reunite neih ngei tumin lang lo lamah inbuatsaihna a kalpui beuh beuh reng a, hemi chungchang pawh hi official takin September 2023 khan a lo puang tawh.