Mizoram Rajya Sabha MP K.Vanlalvena leh Human Resources Development Board Vice Chairman, Dr.L.Thangmawia, MLA ten Union Secretary of DONER Chanchal Kumar hnenah Mizoram mamawh an thlen.
Thawhlehni tlai khan DONER Secretary Chanchal Kumar chu New Delhi-a a office chamber-ah kawmin, Mizoram MP leh MLA te chuan sorkar laipuiin sum sanction order a tihchhuah tawh si, a taka pawisa pek chhuah loh, PM Devine scheme hnuaia Aizawl by pass road te, Tuichangral kawngpui thenkhat laihna tur, NESID scheme harsatna thenkhat te bakah Lengteng bial chhung thil pawimawh thenkhat te an thlen.
DONER Secretary Chanchal Kumar chuan a rang thei ang bera an thu thlente chu bawhzuisak a tum thu a lo hrilh a ni.
Mizoram MP K Vanlalvena leh Thangmawia, MLA te hi Mizoram House Residence Commissioner Alexander Chawngthu-in a tawiawm a ni.