Maharashtra chief minister hlui, Devendra Fadnavis-a nupui, Amruta Fadnavis chu a che fuh lo ve khawp mai a. India ram chhunga luxury cruise ship service hmasa ber, Angriya an tiha phal lohn chin hmuna amah leh amah thla a lo inlak (selfie) avangin police-in an kamkhat ve tlat!
ANI-in a tar lan dan chuan Amruta hi Angriya lawnga pawnlera awm theihna him chinah a thu vâng a, he lawng hi Mumbai atanga Goa pan niin a vawi khat zin chhuahna a ni a. Second 30 vel awh video-ah chuan thla a inlak mawlh mawlh tih a lang thei.
A lan danah chuan lawng hmawr deuh takah a thu a, amah vengtu pawh a dinna atanga hla vak lo, a hnungah a ding bawk a. A chetla lo hmutu, police officer pakhat chuan an hungna (railing) zuan kânin amah vengtu hi a bia, ani hian thil awm dan a hrilh leh ta a ni.
Amruta hian vantlang tana him chin a kalpel a, a phone la chhuakin a in-selfie bawk a, hei hi phal lo bawk a ni.
Amruta chuanna lawng hi India-a cruise ship service hmasa bera a zin chhuak hmasa ber niin Inrinni khan a vawi khat nan Mumbai-Goa sea route zawh tan a ni.