Argentina World Cup chawipuitu Scaloni-a’n ban lam a ngaihtuah

World Cup a Argentina champion puitu an coach Lionel Scaloni chuan kum nga chhung an team a enkawl hnuah ban lam a ngaihtuah tih a sawi.

Nilaini zinga Brazil laka 1-0 a an chak hnuah Scaloni chuan a hma hun chungchang hi a sawi chhuak a ni.

Kum 45 mi hian Argentina hi Qatar-ah a hlawhtlinpui bakah kum 2021 khan Copa America-ah pawh a lo champion pui tawh bawk.

Scaloni chuan, “Argentia hian coach chak tha tak, a theihna zawng zawng hlan thei tur neih a mamawh.”

“Kei hi ka tawp a hun a, thildang ka ngaihtuah a ngai. Ngaihtuah tur tam tak ka nei a ni.” tiin a sawi a.

A thilsawi chu sawifiahin, “Tun hi in mangtha na hun lam a ni lova, thutlukna siam a la ni lo. Mahse uluk taka ka ngaihtuah a ngai, a chhan chu he hna thawk tur hian inpekna sang tak, a tha ber chauh pawm theih a ni a. Chuvangin ka chhunzawm zel dawn chuan nghawng tam tak a awm thei a, chak zel tur pawhin nghawng tam tak a neih a ngai.”

“Chhuahsan mai hi thil awlsam a ni dawn lova, hei vang hian hun ka mamawh dawn. FA president leh player-te pawh ka la sawipui ang.” a ti bawk.

Scaloni hian kum 2018 August khan Jorge Sampaoli thlakin Argentina hi a enkawl a. Hemi hma hina an ram under-20 team a enkawl thin.

A tirah a tha tawk em tih zawhna awm mahse kum 28 chhunga an ramin trophy lian a lak hmasak ber ni turin Copa America-ah kum 2021 khan a champion pui a. Finalissima-ah European champion Italy lakah hnehna an chang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427